शान्तिश्री परियार र बिन्ती कुमारले ल्याए ‘घुम्दै घुम्दै आको’

  • गायिका शान्तिश्री परियार र गायक बिन्ती कुमार गुरुङको स्वरमा रहेको ‘घुम्दै घुम्दै आको’ बोल गीतको भिडियो सार्वजनिक गरिएको छ । गायक स्वयमकै शब्द, संगीत तथा लयमा रहेको गीत अमेरिकामा नै रोधीँ घरको अवधारणा तयार पारेर भिडियो छायांकन गरिएको हो ।

    भिडियो झट्ट हेर्दा नेपालमा नै खिचिएको जस्ताे देखिएकाे छ । जुन गीतमा चुनु गुरुङ र गायक बिन्ती कुमारका अलावा तमु धीँ भर्जिनियाका धेरै गुरुङ दाजुभाई तथा दिदी बहिनीहरुको अभिनय देख्न सकिन्छ । भिडियो गुरुङ समुदायमा प्रचलित रोधीँ संस्कारको अवधारणामा तयार पारिएकोले पनि कलाकारहरु मौलिक गुरुङ भेषभुषामा सजिएको देख्न सकिन्छ ।

    सार्वजनिक गीतको एरेन्ज , मिक्सिङ तथा मास्टरिङ तेजेन्द्र गुरुङले गरेका हुन् भने भिडियोको छायांकन अनिश खासा (निरेश) र मनिष महर्जनले गरेका हुन् । गायक गुरुङकै अफिसियल च्यानल जस्मिन क्रियशनबाट रिलिज गरिएको भिडियोको सम्पादन तथा निर्देशन सुगन्ध श्रेष्ठले गरेका हुन् ।

    यो समाचार पढेर तपाईलाई कस्तो लाग्यो ?

    © 2025 newsinnepal.com All right reserved Site By : Himal Creation