अनलाइन जुवा र क्रिप्टो कारोबारी ५० जना पक्राउ

केन्द्रीय अनुसन्धान ब्युरो (सीआईबी)ले ललितपुरको जाउलाखेलमा छापा मारेको छ ।

छापा मारेर दुई जना चिनियाँ र एक फिलिपिनो नागरिकसहित ५० जनालाई पक्राउ गरेको सीआईबीका प्रवक्ता होबीन्द्र बोगटीले बताए ।

अवैध रूपमा कल सेन्टर चलाउनुका साथै अनलाइन जुवा खेलाएको र क्रिप्टो कारोबार गरेको सूचनाका आधारमा प्रहरीले एक घरमा बुधबार राति छापा मारेको थियो ।

यसबारे अनुसन्धान भइरहेको प्रवक्ता बोगटीले जानकारी दिएका छन् ।