कोलम्बियामा कार बम आक्रमण, पाँच जनाको मृत्यु, ३६ जना घाइते

क्याली । कोलम्बियाको क्याली सहरमा भएको कार बम विस्फोटमा कम्तिमा पाँच जनाको मृत्यु भएको छ भने ३६ जना घाइते भएका छन्। प्रहरीका अनुसार आक्रमण मार्को फिडेल सुआरेज मिलिटरी एभिएसन स्कुललाई ​​लक्षित गरी गरिएको थियो।

विस्फोटबाट वरपरका धेरै भवनहरूमा पनि क्षति पुगेको छ। क्यालीका मेयर अलेजान्ड्रो एडरले आक्रमणको निन्दा गर्दै जिम्मेवार व्यक्तिहरूको बारेमा जानकारी दिनेलाई ४० करोड डलर पुरस्कार दिने घोषणा गरे ।

सुरक्षालाई ध्यानमा राख्दै, उनले धेरै भवन र विद्यालयहरू खाली गर्न आदेश दिएका छन् र सहरमा ठुला ट्रकहरूको प्रवेशमा प्रतिबन्ध लगाएका छन्।

यसअघि बिहीबार, उत्तरपश्चिमी सहर मेडेलिन नजिकैको ग्रामीण क्षेत्रमा प्रहरी हेलिकप्टरमा भएको आक्रमणमा कम्तीमा १२ जनाको मृत्यु भएको थियो।