नेपाल इन्जिनियरिङ परिषद्को रजिष्ट्रार नियुक्तिका लागि १४ जना उम्मेदवार सर्टलिस्ट

काठमाडौँ । पूर्वाधार विकास मन्त्रालयले नेपाल इन्जिनियरिङ परिषद्को रजिष्ट्रार नियुक्तिका लागि १४ जना उम्मेदवारको संक्षिप्त सूची (सर्टलिस्ट) सार्वजनिक गरेको छ ।

मन्त्रालयको ‘नेपाल इन्जिनियरिङ परिषद्को रजिष्ट्रार नियुक्तिका लागि छनोट तथा सिफारिस समिति’ले सूचना जारी गर्दै यससम्बन्धी जानकारी दिएको हो ।

मन्त्रालयले गत २०८३ जेठ १ गते प्रकाशन गरेको दरखास्त आह्वान सम्बन्धी सूचना बमोजिम रीतपूर्वक आवेदन दिएका उम्मेदवारहरूमध्ये स्वीकृत कार्यविधि अनुसार मूल्याङ्कन गरी वर्णानुक्रम अनुसार उम्मेदवारहरूको संक्षिप्त सूची तयार गरिएको जनाएको छ ।