काठमाडौं । पत्रकार किशोर श्रेष्ठ आफू पुन: पक्राउ पर्नसक्ने भन्दै निषेधाज्ञाको निवेदन लिएर अदालत पुगेका छन् ।
उनी मंगलबार दिउँसो उच्च अदालत पाटन पुगेका हुन् । उपसभामुख रुवी ठाकुरले सोमबार ललितपुर प्रहरीमा जाहेरी दिएकी थिइन् ।
त्यही जाहेरीका आधारमा आफूलाई पक्राउ गर्नसक्ने भनी श्रेष्ठले निषेधाज्ञाको निवेदन दिएका हुन् ।
उनले निवेदनमा आफूमाथि धरपकड नगर्न नगराउन र उपकरण बरामद नगराउन आदेशको माग गरेका छन् ।
श्रेष्ठ हिजोमात्रै सर्वोच्च अदालतको परमादेशपछि रिहा भएका थिए ।
