काठमाडौं । नेपाली बजारमा आज शुक्रबार सुनचाँदीको मूल्य बढेको छ ।
हिजो बिहीबार स्थिर रहेको छापावाल सुनको मूल्य आज शुक्रबार प्रतितोला १ हजार ५ सय रुपैयाँ बढेको हो ।
नेपाल सुनचाँदी व्यवसायी महासंघका अनुसार आज सुन प्रतितोला २ लाख ९४ हजार ८ सय रुपैयाँमा कारोबार भइरहेको छ ।
हिजो बिहीबार सुन प्रतितोला २ लाख ९३ हजार ३ सय रुपैयाँमा कारोबार भएको थियो ।
यस्तै शुक्रबार चाँदीको मूल्य पनि प्रतितोला २५ रुपैयाँ बढेको छ ।
बिहीबार प्रतितोला ४ हजार ४ सय २५ रुपैयाँमा कारोबार भएको चाँदी शुक्रबार ४ हजार ४ सय ५० मा किनबेच भइरहेको छ ।
