संस्कृति, पर्यटन तथा नागरिक उड्डयन मन्त्री बद्रीप्रसाद पाण्डेले गाईजात्रा नेपालीहरुको महान् पर्व भएको बताएका छन् । आज काठमाडौंमा आयोजना गरिएको एक कार्यक्रमको अवसरमा बोल्दै मन्त्री पाण्डेले गाईजात्राले लामो इतिहास बोकेको बताएका हुन् ।
उनले भने, ‘गाईजात्राले शक्तिशाली सन्देश दिएको छ, यो जात्राले लामो इतिहास बोकेको हामी सबैलाई थाहा छँदैछ, हामी नेपालीहरु विविध संस्कृति र विभेदतापूर्ण प्रकृतिले सम्पन्न छौं ।’
साथै उनले नेपाल सानो भूगोल भए पनि विविधताले सम्पन्न भएको बताए । उनले हाम्रो संस्कृति नै हाम्रो पूँजी भएको बताए ।
