काठमाडौँ । काठमाडौँ उपत्यका ट्राफिक प्रहरीको अनलाइन प्रणालीमा समस्या आएको छ । हराएका लाइसेन्स, सवारी दर्ता किताब र सवारी इजाजतपत्र सम्बन्धी आवेदन दिने वेबसाइटमा समस्या आएको उपत्यका ट्राफिक प्रहरी कार्यालयले जनाएको छ ।

प्राविधिक कारणले आएको समस्या समाधान गरेर छिट्टै अनलाइन प्रणाली सुचारु गरिने उपत्यका ट्राफिक प्रहरी कार्यालयका एसपी नरेश सुवेदीले जानकारी दिए ।

अनलाइन प्रणालीमा समस्या आउँदा सेवाग्राहीलाई पर्न गएको असुविधा प्रति ट्राफिक प्रहरीले क्षमायाचना गरेको छ ।