रवि लामिछानेको सहकारी अपचलनमा संलग्नता पुष्टि, अब के हुन्छ कारबाही ?

संसदीय छानबिन समितिले सहकारीको रकम गोर्खा मिडिया नेटवर्क मार्फत अपचलनमा रवि लामिछानेको संलग्नता रहेको निष्कर्ष निकालेको छ। समितिले राष्ट्रिय स्वतन्त्र पार्टीका सभापति लामिछानेलाई कारबाहीका लागि अनुशासनात्मक कदम चाल्न सिफारिश गरेको छ।

सूर्य थापा नेतृत्वको संसदीय छानबिन विशेष समितिले आज प्रतिवेदन सार्वजनिक गर्ने तयारी गरेको छ।

समितिका सदस्य लेखनाथ दाहालका अनुसार, सहकारीको रकम जीबी राईले गोर्खा मिडिया नेटवर्कमा पुर्‍याएका थिए, तर उक्त रकम रवि लामिछाने मार्फत खर्च गरिएको पाइएको छ। गोर्खा मिडियामा जीबी राई अध्यक्ष र रवि प्रबन्ध निर्देशक थिए।

गोर्खा मिडियाका सञ्चालक—जीबी राई, रवि लामिछाने, र छविराज जोशी—ले संयुक्त खाता खोलेका थिए। तथापि, रवि लामिछाने प्रबन्ध निर्देशक रहेको १४ महिनाको अवधिमा सबै चेकमा रवि लामिछानेको मात्र हस्ताक्षर गरिएको भेटिएको छ।