काठमाडौं । प्रधानमन्त्री केपी शर्मा ओलीले १८ गते बस्ने प्रतिनिधिसभा बैठकमा कुलमानलाई हटाएको विषयमा जवाफ दिने भएका छन् ।
लगातार दुई दिन अवरुद्ध भएको बैठक सुचारु गर्न प्रधानमन्त्रीले सम्बोधन गर्ने सहमति भएको हो ।
शुक्रबार सभामुख देवराज घिमिरेसहित बसेको प्रमुख प्रतिपक्ष, प्रतिपक्षी दल र सत्तापक्षीय दलका प्रमुख सचेतकहरू बीचको छलफलबाट यो सहमति जुटेको हो।
सोमबार बसेको मन्त्रीपरिषद्को बैठकले नेपाल विद्युत प्राधिकरणका कार्यकारी निर्देशक कुलमान घिसिङलाई पदबाट बदर्खास्त गरेको थियो। बर्खास्तीसँगै प्रतिपक्ष दलहरूले सदनमा अवरोध सिर्जना गर्दै संसद अवरुद्ध पारेका छन्।
