चितवन राइनोजद्वारा पोखरा एभेन्जर्ससामु एक सय ६२ रनको लक्ष्य प्रस्तुत

नेपाल प्रिमियर लिग (एनपिएल)को पाचौँ खेलमा चितवन राइनोजले जितको लागि पोखरा एभेन्जर्ससामुु एक सय ६२ रनको लक्ष्य प्रस्तुत गरेको छ ।

त्रिवि क्रिकेट मैदान कीर्तिपुरमा भएको मङ्गलबारको दोस्रोको खेलमा टस हारेर ब्याटिङको निम्तो पाएको चितवनले निर्धारित २० ओभरमा ७ विकेट गुमाएर एक सय ६१ रन बनाएको हो ।

पोखराको लागि रवि बोपराले अर्धशतक प्रहार गरे । उनले ३८ बलमा तीन छक्का र तीन चौकाको मद्धतले ५१ सर्वाधिक ५१ रन बनाए । कप्तान कुशल मल्लले ३८ रनको योगदान दिए । सो क्रममा मल्लले ४ छक्का र एक चौका समेत प्रहार गरे ।

पोखराको लागि ल्यूक मार्टिन बेनकेन्स्टाइनले १६, हसन इसाखिलले १४, सन्तोष कार्कीले ११ र दीपक बोहोराले दुुई रनको योगदान दिए । यस्तै, शरद भेस्वाकरले अविजित ११ र अमरसिंह रौतेलाले अविजित रन जोड्दा सोहेल तनवीरले एक रन पनि जोड्न सकेनन् ।

चितवनले अतिरिक्त ५ रन पायो ।

पोखराको लागि बिपिन खत्री, नेदरल्यान्ड्सका बास डे लिडे र वेस्ट इन्डिजका रेमन राइफरले समान दुुई÷दुुई विकेट लिए भने सागर ढकालले एक विकेट हात पारे ।